ऋषी कपूर यांचं जाणं माझ्यासाठी अत्यंत दुख:द- अक्षय कुमार

मुंबई |  आदल्या दिवशी इरफान खान आणि आज ऋषी कपूर यांच्या जाण्याने बॉलिवूडला मोठा धक्का बसला आहे. इरफान खान यांच्या दुखा:तून बॉलिवूडवासी आणि त्याचे करोडो चाहते बाहेर पडत नाहीत तोपर्यंतच ऋषी कपूर कायमचं हे जग सोडून अनंताच्या प्रवासाला निघून गेले आहेत. अभिनेता अक्षय कुमारला ऋषी कपूर यांच्या जाण्याने फार दु:ख झालं आहे.

असं वाटतंय की मी खूप वाईट स्वप्न पाहतोय. ऋषी कपूर यांच्या निधनाची बातमी खूप चटका लावणारी आहे. मी या वृत्ताने खूप निराश झालो आहे. ऋषी कपूर यांंचं जाणं माझ्यासाठी अत्यंत दुख:द आहे, असं अक्षयने म्हटलं आहे. ऋषी कपूर खूप चांगले मित्र होते. माझ्या कुटुंबाचे ते खूप जवळचे होते. त्यांच्या जाण्याने मला खूप मोठा धक्का बसला आहे. मी कपूर कुटुंबियांच्या दु:खात सहभागी आहे. त्यांना आदरांजली, असं अक्षयने आपल्या ट्विटमध्ये म्हटलं आहे.

बॉलिवूडचे महानायक अभिनेते अमिताभ बच्चन यांनीही ऋषी कपूर यांच्या निधनानंतर एक भावूक ट्विट केलं आहे. तो गेलाय आणि मी उध्वस्त झालोय, अशा आशयाचं ट्विट त्यांनी केलं आहे. या ट्विटमधून त्यांची अवस्था काय झाली आहे, हे दिसून येत आहे.

बॉबी, चांदणी, नगीना, दिवाना, प्रेमरोग, अमर अकबर अँथोनी अशा एक ना अनेक चित्रपटांमध्ये त्यांनी काम केलं. मेरा नाम जोकर या चित्रपटामध्ये त्यांनी अत्यंत छोटं पण महत्त्वपूर्ण काम केलं. त्यांच्या जाण्याने चित्रपटसृष्टीत फार मोठी पोकळी निर्माण झाल्याची भावना कलाकार व्यक्त करत आहेत.

 

महत्वाच्या बातम्या-

-तो गेलाय आणि मी उध्वस्त झालोय… महानायक अमिताभ बच्चन यांची आदरांजली

-अभिनेते ऋषी कपूर यांची मृत्यूशी झुंज अपयशी; मुंबईतल्या एच. एन. रूग्णालयात घेतला अखेरचा श्वास

-चिनी टेस्ट किट्सची ऑर्डर रद्द; भारत सरकारचा मोठा निर्णय

-कोरोनाशी लढणाऱ्या आणखी एका पोलिस कर्मचाऱ्याचा मृत्यू

-पंतप्रधानांसोबत झालेल्या चर्चेनंतर लाॅकडाऊन वाढवण्याविषयी अनिल देशमुख म्हणतात…